Эрон ҳарбий денгиз кучлари Уммон кўрфази сувларида Америка нефть танкери қўлга олингани ҳақида хабар берди, деб ёзади Tasnim.
Ҳибсга олиш суд қарори ижроси доирасида амалга оширилган, дея маълум қилди Эрон денгиз флоти. Ҳибсга олинган танкер АҚШ томонидан 2023 йил сентябрь ойида Грециянинг Empire Navigation юк ташиш компаниясидан санкцияларни бузган ҳолда Эрон нефтини ташиш учун мусодара қилинган эди.
Бугун, 11 январь куни Буюк Британиянинг Денгиз савдосини мувофиқлаштириш маркази Уммон кўрфазидаги кемага Суҳар шаҳридан 50 денгиз миля шарқида бир неча қуролланган кишилар бостириб кирганини маълум қилди. Танкер билан алоқа узилди. Танкер бортида 19 киши бўлган, деб ёзади Грециянинг “Эфимерида тон Синдактон” газетаси.
Reuters агентлигига кўра, гап Empire Navigation компаниясига тегишли St.Nikolas танкери ҳақида кетмоқда. Агентлик маълумотларига кўра, у Ироқ нефтини Басрадан Туркияга Сувайш канали орқали олиб ўтган.
Al Jazeera телеканали хабар беришича, кема аввал Suez Rajan номи билан аталган. 2022 йилда АҚШ Адлия вазирлиги танкер санкцияларни четлаб ўтиб, Эрон нефтини Форс кўрфазидаги Харг оролидан олиб кетаётганини маълум қилганди. Танкер ва унда ташилган 1 миллион баррел нефть мусодара қилинди.
Изоҳ (0)