“Эмми” телевизион мукофотининг 75-маросими “техник қисми” ғолиблари аниқланди.
The Last of Us ўйини асосида яратилган HBO телеканалининг “Сўнгги инсон” сериали саккизта йўналишда ғолибликни қўлга киритди. Актриса Сторм Райд сериалдаги Райли роли учун “Драма сериалига таклиф қилинган энг яхши актриса” номинацияси бўйича “Эмми” мукофотини қўлга киритди. У, шунингдек, “Энг яхши таклиф қилинган актёр” мукофотига ҳам лойиқ кўрилди.
FX телеканалининг “Айиқ”, Netflix’нинг “Уэнздей”, HBO телеканалининг “Оқ нилуфар” сериаллари тўртта номинация бўйич нуфузли мукофотга лойиқ кўрилди. Netflix томонидан суратга олинган “Низо” сериали эса учта номинация билан тақдирланди.
Нуфузли мукофотнинг мусиқа йўналишида Эд Ширан томонидан “Теd Lasso” сериалида куйланган Beautiful Game қўшиғи “Энг яхши мусиқа” номинациясига лойиқ кўрилди. Қўшиқ Макс Мартин ва Фой Венс томонидан ҳаммуаллифликда ёзилган.
Бу йилги маросим ғолиблари тарихда биринчи марта янгиланган мукофот ҳайкалчаси билан тақдирланди. Асосий тақдирлаш маросими 15 январь куни бўлиб ўтади.
Ташкилотчилар мукофотнинг юбилейини шу тарзда нишонлашни истаган, шунингдек, ҳар 75 йилда Қуёшга қайтадиган Галлей кометасидан ҳам илҳомланган.
“Биз юбилейнинг тарихини муносиб ҳурмат қилиш йўлини изладик. ‘Эмми — бу мукаммаллик’. Қайси даврда яшашимиздан қатъи назар, бу стандартлар ўзгармади”,— дейди телеакадемия президенти Мори МакИнтайр.
Изоҳ (0)