1977 йилда вафот этган америкалик таниқли хонанда Элвис Пресли яна саҳнага қайтади. Шоу концерти 2024 йилнинг ноябрь ойида Лондонда ташкил қилинади. Шунингдек, Лас-Вегас, Берлин ва Токиода ҳам намойиш этилиши режалаштирилган.
Унинг минглаб шахсий фотосуратлари ва уй видеоларидан фойдаланиб, сунъий интеллект, сенсорли эффектлар ва голограмма проекциялари ёрдамида бундай натижага эришилгани айтилмоқда.
Ташкилотчиларнинг таъкидлашича, Пресли шоуси ажойиб концерт тажрибаси бўлиб хизмат қилади. Унда рақамлаштирилган Элвис биринчи марта саҳнада мусиқа тарихидаги рамзий лаҳзаларни намойиш этади.
Изоҳ (0)