Украина президенти Владимир Зеленский бир неча ойдан бери рус қўшинлари томонидан ҳужум қилинаётган Донецк вилоятидаги Авдеевкага ташриф буюрди. Бу ҳақда давлат раҳбари ўзининг Telegram-канали орқали маълум қилди.
“Авдеевка. Генерал Марк Безручко номидаги 110-алоҳида механизациялашган бригада позицияларига ташриф буюрдим. Фронтнинг энг қийин участкаларидан бири. Мана шундай жангчилар туфайли бутун мамлакат омон қолган бу йил учун фронтда бўлган барчага раҳмат айтаман. Нима бўлишидан қатъи назар, давлатимизни ҳимоя қилаётганларга раҳмат. Ҳар куни жанговар натижа бераётганларга раҳмат”, — деб ёзади Зеленский.
Украина раҳбарининг сўзларига кўра, у бригада командири Никол Чумак билан асосий эҳтиёжларни муҳокама қилган ва унинг йўналишдаги тезкор вазият, мудофаа операцияларининг бориши ҳақидаги ҳисоботини тинглаган.
Президент Украина Қуролли кучлари аскарларига шахсан миннатдорчилик билдириб, ҳарбий хизматчиларга мукофотлар топширган. Бундан ташқари, президент шахсий таркиб хавфсизлиги учун ҳарбий хизматчиларга жойларда топшириш мақсадида мукофотларни жўнатган.
Эслатиб ўтамиз, Россия қўшинлари 29 декабрь куни энг йирик ҳаво ҳужумини амалга оширди. Украина ҳимоячилари душманнинг 158 ҳаво нишонидан 114 тасини йўқ қилди. Ҳужум оқибатида камида 13 киши ҳалок бўлган.
Изоҳ (0)