2023 йилда Украина АҚШдан 24 миллиард доллардан ортиқ ҳарбий ёрдам олди. Бу ҳақда Украина президенти Владимир Зеленский Х ижтимоий тармоғида ёзган.
“Жорий йил давомида Қўшма Штатлар умумий қиймати 24 миллиард доллардан ортиқ бўлган 34 та ҳарбий ёрдам пакетини тақдим этди”, — дея таъкидлади у.
АҚШ Давлат департаменти маълумотларига кўра, ёрдамнинг умумий миқдори 44,3 миллиард долларни ташкил қилади.
Аввалроқ АҚШ давлат котиби Энтони Блинкен Украинага 250 миллион долларлик ҳарбий ёрдам пакети берилишини маълум қилганди. Бу АҚШнинг жорий йилдаги охирги ёрдами бўлади.
Мазкур ёрдам НАSAМS ҳаво мудофаа тизимлари ва HIMARS ракета тизимлари учун ўқ-дориларни, Stinger ракета тизимларини ва бошқаларни ўз ичига олади.
Изоҳ (0)