Бугунги кунда Ўзбекистонда рақамли тўловлар ва хизматлар соҳаси сезиларли даражада ривожланиб бормоқда. Буни мамлакатда муомаладаги банк карталари сони 45 миллион донадан ортганидан (2023 йил 1 декабрь ҳолатига) ҳам сезиш мумкин. Шу билан бирга, тўлов тизимлари сони кўпаяётгани, қатор савдолар ва хизматлар онлайн шаклда амалга оширилаётгани ҳам соҳада ўсиш кучайиб бораётганидан далолат.
Электрон тижорат ривожлангани сари инсонларда молиявий саводхонликни ошириш масаласи ҳам долзарб бўлиб бораяпти. Бу борада Ўзбекистон Республикаси Марказий банки ва рақамли тўловлар бўйича дунёда етакчи Visa компанияси томонидан ишлаб чиқилган “Молия олами” платформаси ўзига хос ўринга эга.
- “Молия олами” онлайн тарзда кундалик харажатларни тўғри режалаштириш ва пулни самарали тежашни ўргатади.
- “Молия олами” интерактив таълим платформаси инсонларга молиявий саводхонликни оддий ва содда услубда ошириш имконини беради.
Платформа ўқув тематик модулларининг 4 та босқичидан ўтишини назарда тутади:
- “Билимлар мамлакати”. Бу босқичда карталар ва банклар ҳақида зарур билимлар берилади.
- “Чиқимлар мамлакати” қисми бўлиб, унда маблағларни оқилона сарфлаш қулай услубда ўргатилади.
- Жамғармалар ва сармоялар тўғрисида содда ҳамда тушунарли маълумотлар эса учунчи модул — “Омонатлар мамлакати”да берилади.
- Юқоридаги уч босқични яхши ўзлаштиргач, навбат “Бизнес мамлакати” бўлимига келади. Бу босқичда бизнес учун маслаҳатлар ва лайфҳаклар олиш мумкин.
Марказий Осиё ва Озарбайжондаги Visa минтақавий бошқарувчиси Кристина Дорош бу борада ўз фикрларини билдирди:
“Visa компаниясининг устувор йўналишларидан бири бутун дунё бўйлаб одамлар ва бизнес учун молиявий хизматлар ва маҳсулотлардан тенг фойдаланишни таъминлашдир. Шундай экан, аҳолининг молиявий саводхонлигини ошириш мамлакат ва жамият иқтисодиёти ривожланишининг муҳим қисмидир. Биз технологияларимиз ва маҳсулотларимиз жамият фаровонлигини ошириши, тадбиркорлик ривожига ҳисса қўшишига интиламиз.
Шу боис Ўзбекистон Республикаси Марказий банки кўмагида Visa компанияси ушбу “Молия олами” интерактив таълим лойиҳасини ишлаб чиқди. Унинг мақсади Ўзбекистон аҳолисига ўз молиясини бошқариш бўйича амалий билим олишга ёрдам бериш, банк маҳсулотлари, хизматлари ва рақамли тўловлар ҳақида кўпроқ маълумотга эга бўлиш ҳамда пулни тўғри тежашни ўргатишдан иборат. Шундай экан, бизнинг интерактив “Молия оламимиз”га хуш келибсиз”.
Ўзбекистон Республикаси Марказий банки Молиявий саводхонлик департаменти директори Дилбар Абдуганиева бу борада ўз фикрларини билдирди:
“Ўзбекистон Республикаси Марказий банки молиявий саводхонликни ошириш борасидаги фаолиятида рақамли муҳитнинг фаол ривожланиши даврида истеъмолчиларнинг моддий фаровонлигига бевосита таъсир кўрсатувчи молиявий хавфсизликни таъминлаш бўйича билим ва кўникмаларни оширишга алоҳида эътибор қаратмоқда.
Рақамли гигиенани ошириш ҳам замонавий жамиятдаги асосий тенденциялардан биридир. Рақамли молиявий хизматлар ва маҳсулотлар бугунги кунда шунчаки воситалар эмас, балки бутунлай янги имкониятларни очадиган тўлиқ муҳитдир. “Молия олами” таълим лойиҳаси - бу ўрганиш ва ўтиш осон бўлган интерактив таълим воситаси.
Шаҳарлар бўйлаб саёҳат қилиш ҳар доим фирибгарлик хавфи мавжуд бўлган рақамли дунёда кундалик харажатлар ва ҳисоб-китоблар, жамғарма ва бизнесни бошлаш, кредитлаш ва қарз олиш соҳаларида молиявий саводхонлик кўникмаларингизни оширишга имкон беради. Барчангизга қизиқарли саёҳат тилаймиз!”
Шу билан бирга, иштирокчилар платформада молиявий саводхонлик бўйича ўқув ресурсларидан ва банк карталарини очиш учун тижорат банкларининг веб-сайтлари ҳаволаларидан фойдаланишлари мумкин.
Молия оламига саёҳатингизни ҳозироқ бошланг!
Реклама ҳуқуқи асосида.
Изоҳ (0)