Россия тез орада ўзининг энг сўнгги гаубицаларини Финляндия ва Норвегия билан чегарадош Шимолий ҳарбий округда жойлаштиради. Бу ҳақда “Ростех” раҳбари Сергей Чемезовга таяниб, Reuters хабар берди.
Маълум қилинишича, янги Коалиция–СВ ўзиюрар артиллерия тизимларининг синовлари якунланган ва уларни серияли ишлаб чиқариш аллақачон бошланган. Биринчи синов партияси 2023 йилнинг охиригача етказиб берилади.
“Менимча, улар яқин келажакда у ерда (Шимолий ҳарбий округда) пайдо бўлади, чунки бу тоифадаги гаубицалар ўқ отиш масофаси бўйича Ғарб артиллерия моделларидан устунликни таъминлаш учун керак”, — деди Чемезов.
Россиянинг Коалиция-СВ гаубицалари 70 километргача отиш масофасига эга, 152 мм калибрли замонавий 2А88 пушка билан жиҳозланган, ўқ отиш тезлиги дақиқасига 10 тани ташкил қилади.
Изоҳ (0)