Баъзан шундай пайтлар бўладики, фильмдаги адолатсизликлар ёки ноўрин талаблар актёрларнинг кино оламидан ҳафсаласи пир бўлишига сабаб бўлади.
Кичик Фредди Принц — “Ўтган ёзда нима қилганингни биламан”
“Ўтган ёзда нима қилганингни биламан” фильми кичик Фредди Принц, Женнифер Лав Ҳьюитт ва Райан Филиппга халқаро миқёсда машҳур актёрлар бўлишга имкон беради, Сара Мишель Геллар эса “Баффи — вампирлар овчиси” туфайли аллақачон машҳур эди.
Ўша пайтда Фреди эндигина карьерасини бошлаганди, аммо режиссёр Жим Гиллеспи уни ўз фильмида кўришни истамаслигини очиқчасига айтади. Бу ҳақиқий зўравонликка айланади, Фредди ҳамкасблари туфайлигина фильмда қолади. Агар улар бўлмаганида, Фредди актёрлик фаолиятини давом эттириши қийин эди.
Бир неча йил ўтгач, вазият яна такрорланади, аммо бу сафар “24” сериалини суратга олиш пайтида. Фредди актёр Кифер Сазерленд билан ишлаган ва уни шунчалик нопрофессионал деб ҳисоблайдики, кинодан ҳафсаласи пир бўлиб, уч йил давомида фильмларда роль ўйнамайди.
Эмма Уотсон — “Гарри Поттер”
Эмма Уотсон аслида “Гарри Поттер”даги қаҳрамонига жуда ўхшайди, чунки у ҳам ўқишни биринчи ўринга қўяди. Эмма жуда машҳур актриса бўлса-да, университетдаги ўқишига эътибор қаратиш учун кинодан кетишни режалаштиради. Уотсон бу ҳақда “Гарри Поттер”нинг режиссёри ва продюсерларига айтади. Улар учун бу кутилмаган ҳол эди, чунки Гермионасиз “Гарри Поттер”ни давом эттиришнинг иложи йўқ эди.
Аммо ўқиш Эммани ҳаммасидан воз кечишга мажбур қилган ягона нарса эмасди. У шунчаки Голливудда ўзини кўрмайди ва ҳаётини суратга олиш майдончаси ва қизил гиламларда ўтказишни тасаввур қила олмайди. Аввалига бу уни “Гарри Поттер”ни тарк этиш, кейин эса умуман кинодан кетиш ҳақида ўйлашга мажбур қилади. Охир-оқибат Эммани Гермиона ролида қолишга базўр кўндиришади, аммо 2019 йилдан кейин у карьерасини номаълум муддатга тўхтатади.
Эйса Баттерфилд — “Йўл-йўл пижамали болакай”
Карьераси бошланганидан икки йил ўтгач, Баттерфилд “Йўл-йўл пижамали болакай” фильмида роль ўйнайди. Фильмни томоша қилиш жуда қийин эканлигини ҳисобга олсак, ёш актёр учун суратга олиш майдончасида қандай бўлганини тасаввур қилиш осон эмас. Аммо Эйса Тhе Guardian нашрига берган интервьюсида айтишича, “Йўл-йўл пижамали болакай” фильми суратга олингандан кейин йиллар ўтиб, у бир неча лаҳзани эслаб қолган ва уларнинг барчаси салбий бўлган.
Айниқса, Эйсанинг қаҳрамони ва унинг дўсти одамларга тўла газ камерасига кириб, улар билан даҳшатли тақдирни баҳам кўрган сўнгги саҳна хотирасида ёрқин сақланиб қолган. Суратга олиш майдончасида ҳаммаси ўшандай эди: тор хона, кийимсиз эркаклар ва зулмат. Эйса қўрқиб кетганидан бир неча марта у ердан югуриб чиқади, ҳар сафар ота-онаси уни тинчлантиришади. Баттерфилд, шунингдек, онаси унга агар бу ролни хоҳламаса, рад этиши мумкинлигини айтади. Эйса бу кадрни амаллаб охирига етказади. Суратга олиш тугагач, онасига энди актёр бўлишни хоҳламаслигини айтади ва фаолиятини тўхтатади. Чунки “Йўл-йўл пижамали болакай” унга катта босим ўтказганди.
Ижодий танаффус узоқ давом этмайди — икки йилдан сўнг у “Бўри одам” фильмида роль ўйнайди.
Кит Ҳарингтон — “Тахтлар ўйини”
Кит Ҳарингтон аввал театрда ишлаган, кинога эса ҳаётининг 9 йилини бағишлаган “Тахтлар ўйини” фильмида дебют қилади. Сериал финалидан бир неча йил олдин Кит Ҳарингтоннинг беқарор руҳий ҳолати ҳақида хабарлар чиқа бошлайди. Жон Сноу ҳамиша жаҳлдор бўлган, кастингдан бир кун олдин ҳам жанжал қилган, бироқ “Тахтлар ўйини” фильмини суратга олиш чоғида вазият кескинлашади. Кит ҳатто реабилитацияга боришига тўғри келади, бу вақтда у кинодан кетиш ҳақида ўйларди. У бир неча ойни шундай ўйлар билан ўтказади ва охирида қолишга қарор қилади, чунки у суратга тушишни соғинганини тушунади.
Жессика Альба — “Фантастик тўртлик 2”
Режиссёрлик фаолияти муваффақиятсизликка учраган Тим Стори Жессика Альбанинг кўз ёшларини танқид қилади. “Фантастик тўртлик 2” фильмининг суратга олиш пайтида Жессика ҳақиқатан ҳам йиғлайди. Бироқ режиссёрга Жессиканинг кўз ёшлари ёқмайди. У актрисага: “Кўз ёшларинг жуда реал кўринади. Йиғлаганингда гўзалроқ кўрина оласанми?” дейди. Бу сўзлар табиийки Жессикани ҳайратда қолдиради ва у жаҳл билан кинода бошқа ўйнамаслигини эълон қилади. Аммо, маълум бўлишича, актриса ўша йили яна бир нечта фильмларда суратга тушган.
Изоҳ (0)