Америкалик таниқли хонанда Мадонна икки кун кома ҳолатида бўлганлигини маълум қилди. Бу ҳолат унда бактериал инфекция билан касалхонага ётқизилган пайтда содир бўлган.
Хонанда ҳаёт билан хайрлашганини тан олди. Ҳатто шифокорлар ҳам умидини узган.
“Тирик қолишимга ўзим ҳам, шифокорлар ҳам ишонмаганмиз”, — дейди қўшиқчи.
Шунингдек, у ҳаётини сақлаб қолганларга, айниқса, уни ваннада ҳушсиз ҳолда топган аёлга миннатдорчилик билдирди.
“Мени касалхонага олиб келган аёлга раҳмат айтаман. Мен ҳатто ҳеч нарсани эслай ҳам олмайман. Ванна полида ҳушимдан кетиб, жонлантириш бўлимида уйғондим”.
Шу билан бирга, Мадонна ҳушига келганида, барча фарзандларини бир хонада тўпланганини кўриб, “Демак ўлишим керак экан-да”, — деб ҳазиллашганини қўшимча қилди.
Хонанданинг Карлос Леондан бир қизи, режиссёр Гай Ричидан ўғли ва тўрт нафар асраб олган фарзанди бор.
Маълумот учун, 65 ёшли юлдуз июнь ойи охирида ҳушсиз ҳолда касалхонага ётқизилган. Кўп ўтмай, хонанданинг менежери унда жиддий бактериал инфекция борлиги ҳақида хабар берган эди.
Изоҳ (0)