Қашқадарё вилоятида мактаб директори вояга етмаган ўқувчисини келин қилгани айтилган видео тарқалди. Вилоят Мактабгача ва мактаб таълими бошқармаси ҳолат юзасидан маълумот берди.
Қайд этилишича, Косон туманидаги 59-мактаб директори Р.С. ҳақиқатан ҳам жорий йилнинг 27 ноябрь куни фарзанди Х.Х.нинг тўй маросимини ўтказган. Видеолавҳадаги жараёнда директорнинг келини Б.Н. ҳозирда умумий ўрта таълим мактаби ўқувчиси эмаслиги маълум бўлди.
8-синф ўқувчиларининг 9 нафари оилали экани айтилган хабарлар ҳам ўз тасдиғини топмади. Қашқадарё вилоят Мактабгача ва мактаб таълими бошқармаси масъул ходимлари Косон туманидаги 59-мактабнинг 8-синф ўқувчиларининг 14 нафар оналари билан суҳбатлари ташкил этилди. Ота-оналари ушбу хабарлар ҳақиқатга яқин эмаслигини, келгусида ҳуқуқни муҳофаза қилувчи органларга мурожаат қилишини маълум қилди.
Изоҳ (0)