Яман шимолидаги ҳукмрон “Ансор Аллоҳ” ҳаракати (ҳусийлар) Ғазо секторига жангчиларни юбориш учун умумий сафарбарлик бошлади. Бу ҳақда “Ансор Аллоҳ” сиёсий бюроси аъзоси Хузам ал-Ассад “РИА Новости”га маълум қилди.
“Ғазо секторида халқимизни қўллаб-қувватлаш учун умумхалқ сафарбарлигига келсак, у барча вилоятларда бошланган. Ўқув лагерлари очилди, ўн минглаб ёшлар ихтиёрий равишда ҳарбий кўникмаларни ўрганишга киришди, Яманнинг турли вилоятларидаги бир қанча гуруҳлар аллақачон битирган”, — дейди манба.
Бу халқ армияси бўлиб, Ғазога етиб бориш ва ҳарбий амалиётларда қатнашиш учун шароит ва имкониятлари мавжуд бўлса, АҚШ кўмагидаги Исроил армияси томонидан геноцидга учраган ғазоликларни қўллаб-қувватлайди.
Шимолий Яман ҳукумати томонида ҳарбий амалиётларда тайёргарликдан ўтаётган заҳирадаги аскарларнинг иштироки ҳақида гапирар экан, ал-Ассад бу зарур эмаслигини таъкидлади. Чунки “Яман Республикаси мунтазам армия ва ривожланган ҳарбий салоҳиятга эга” экани таъкидланади.
- Ҳусийлар аввалроқ Қизил денгиздаги Исроил билан боғлиқ ҳар қандай кемага ҳужум қилишлари ҳақида огоҳлантириб, бошқа давлатларни ўз экипажларини чақириб олишга ва денгизда уларга яқинлашмасликка чақирганди. Бир қатор юк ташиш компаниялари Қизил денгиз орқали ташишни тўхтатишга қарор қилган.
- Кемаларнинг ҳужумга учраши фонида АҚШ Баҳрайн, Англия, Франция, Италия, Нидерландия, Норвегия, Сейшел ороллари ва Испания давлатлари иштирокида ҳусийларга қарши Қизил денгизда операция бошлади.
- Бунга жавобан Яман ҳусийлар Қизил денгиз АҚШ ва унинг иттифоқчилари учун қабристонга айланишидан огоҳлантирди.
Изоҳ (0)