Тошкентдаги хонадонда юз берган ёнғинда аёл ва унинг икки қизи ҳалок бўлди. Бу ҳақда “Дарё”га Бош прокуратура ахборот хизмати раҳбари Ҳаёт Шамсутдинов маълум қилди.
![](/static/2023/Nigora/photo_2023-12-19_09-25-19.jpg)
Воқеа Яшнобод туманидаги хонадонларнинг бирида 18 декабрь куни юз берган, ҳолат акс этган видео ижтимоий тармоқларда тарқалганди.
Маълум бўлишича, ушбу ёнғиндан 28 ёшли аёл ҳамда 8 ва 5 ёшдаги икки қиз вафот этди. Ҳолат юзасидан Жиноят кодексининг 259-моддаси (ёнғин хавфсизлиги қоидаларини бузиш) билан жиноят иши қўзғатилган.
Ушбу ёнғин ҳақида ФВВ ва ФВБ ҳозирча ҳеч қандай маълумот эълон қилмади.