Тошкентда турли жиноятларни содир этган шахслар ушланди

Тошкент шаҳрида ўтказилайитган тадбирлар давомида турли жиноятларни содир этган шахслар ушланди. Бу ҳақда ИИББ ахборот хизмати хабар берди.

Маълум қилинишича, пойтахтда Тошкент шаҳар ИИББ ва ҳамкор ташкилотлар томонидан ўтказилаётган тезкор-профилактик тадбирларнинг “Долзарб қирқ кунлиги” доирасида бир қатор жиноятларни содир этган шахслар ушланди. Ушбу шахслар Тошкент шаҳар ИИББ ҳузуридаги Тергов бошқармаси томонидан тергов қилинаётган жиноят иши бўйича гумон қилинувчи тарзида жалб этилган: 

• 1988 йилда туғилган Отабек Исламов (Жиноят кодекси 165-моддаси товламачилик; 168-моддаси фирибгарлик);
• 1988 йилда туғилган Азамат Салимбеков ( Жиноят кодекси 165-модда 3-қисми, жуда кўп миқдорда товламачилик);
• 1988 йилда туғилган Шуҳрат Миноваров (Жиноят кодекси 165-модда 2-қисми, бир гуруҳ шахслар томонидан товламачилик, 168-модда фирибгарлик);
• 1992 йилда туғилган Шавкат Миноваров (Жиноят кодекси 165-модда 2-қисми, бир гуруҳ шахслар томонидан товламачилик);
• 1977 йилда туғилган Марат Уразов (Жиноят кодекси 168-моддаси 3-қисми, кўп миқдорда фирибгарлик);
• 1992 йилда туғилган Абдуқодир Исахунов (Жиноят кодекси 277-моддаси 3-қисми, безорилик, 168-моддаси фирибгарлик).

Жиноят иши доирасида гумон қилинувчиларга нисбатан қамоққа олиш тарзидаги эҳтиёт чораси қўлланган. Тергов давом этмоқда. ИИББ улардан жабр кўрганлар бошқармага хабар беришини сўраган.