Охирги икки йил ичида Марказий Осиёда тўғридан тўғри хорижий сармояларни жалб қилиш мақсадида бир қанча йўлаклар очилди. Айниқса, қарийб йигирма йил аввал сиёсий ўзгаришлар бошланган Ўзбекистон каби мамлакатларда сезиларли ютуқларга эришилди. Бироқ сўнгги бир неча йил ичида Ғарб ва Европа эътибори Марказий Осиёга сезиларли даражада ошди.
Эндиликда маҳаллий манфаатдор томонлар хорижий инвесторлар учун янада қулай муҳит яратиш вазифасини қўймоқда.
Fusion Wealth Management (Гонконг) компанияси тадқиқот бўлими бошлиғи, аналитика бўйича мукофотга эга Майкл МакГоги “Дарё”нинг Покистондаги мухбири Файзан Алига Ўзбекистон молия бозорига оид таҳлил ва мулоҳазалари ҳақида сўзаб берди.
Ўзбекистоннинг молиявий ландшафтида муҳим ўринни эгаллаб турган тажрибали инвестор МакГоги, бозордаги йигирма йиллик иштироки билан фахрланади. Унинг молиявий тажрибаси ва рискларни бошқариш бўйича консерватив ёндашуви инвесторни замонавий Ўзбекистонга тўғридан тўғри хорижий инвестициялар билимдонига айлантирган.
Ўзбекистонга қизиқишини уйғотган бурилиш нуқтаси ҳақида мулоҳаза юритар экан, у шундай эслайди:
“Сиёсий ислоҳотлар бошланганидан тахминан бир йил ўтгач, валюта ислоҳоти ўтказилди ва бу мени йўлга чиқишга ундади. АҚШ доллари сармоядорларининг активлари бир кечада икки баравар қисқарди. Бу фантастик ярим нархдаги сотувга ўхшайди; у ерда нима борлигини ўрганиш ва кўришни исташингиз табиий”.
2000 йилларнинг бошидан McGaughy’s фонди Ўзбекистоннинг молиявий манзарасини фаол равишда айланиб чиқди. Унинг инвестиция стратегияси молиявий инқирозлар ёки сезиларли амортизация пайтида қулай дақиқаларни аниқлашга киришди.
“Менинг стратегиям, худди Ўзбекистонда бўлганидек, молиявий инқирозлар ёки пулнинг сезиларли қадрсизланиш ё бўлмаса девалвациялар даврида сармоя киритишдир”, — деб тушунтирди у.
Инвестор стратегик жиҳатдан кам баҳоланган активларни, жумладан қимматли қоғозлар ва листинг компанияларини уларнинг тарихан паст баҳосидан фойдаланиб сотиб олади.
МакГогининг Ўзбекистондаги тўлиқ сиёсий ва молиявий ўзгаришларни бошқариш бўйича катта тажрибаси унга бир қатор умидлар, хавотирлар ва давом этаётган инвестициялар учун ижобий истиқболларни тақдим этган. Таҳлилчи иқтисодий ўзгаришларда Ўзбекистон ёшларининг ролини қайд этиб, “Ўзбекистон учун муҳим ижобий жиҳат бу унинг жуда ёш аҳолисидир”, деб таъкидлади.
Кутилаётган сиёсат ўзгаришларини муҳокама қилар экан, МакГоги шундай деди:
“Халқаро молиявий ҳисобот стандартлари(IFRС)га ўтиш тўғрисидаги қарор мавжуд бўлса-да, буни барча ташкилотларда кенг миқёсда жорий этиш ҳали амалга оширилмаган. Ҳукумат IFRС ҳисоботларини универсал тарзда татбиқ эта олса, бу жуда маъқбул бўларди”.
Шунингдек, у Ўзбекистон банк секторига хорижий инвестицияларни жалб қилиш учун қулай шарт-шароитлар яратиш ва дивидендларни ўз вақтида тақсимлаш, шу билан бирга миноритар акциядорлар манфаатларини устун қўйиш муҳимлигини таъкидлади.
Ўзбекистоннинг қоғоздаги пойдевори кучли сиёсати ва инфратузилмасини эътироф этар экан, МакГоги бу ислоҳотларни амалда қўллаш муҳимлигини айтди. У оптимистлик билан ёш авлод янги ғоялар ва хусусий инвестицияларни тез қабул қилишини таъкидлаб, шундай деди:
“Аҳолиси, айниқса, ёш аҳоли янги тушунчаларга кўпроқ очиқ бўлади”.
Аслини олганда, МакГогининг чуқур мушоҳадалари ва стратегик ёндашуви Ўзбекистон молиявий манзарасининг мураккаб динамикасини ёритиб беради. Унинг эҳтиёткор, аммо оппортунистик сармоя услуби ёшларнинг фаол иштироки ҳақидаги кузатишлари билан биргаликда Ўзбекистоннинг иқтисодий келажаги ҳақида оптимистик манзарани тасвирлайди. Сиёсатдаги қийинчиликларга қарамай, Ўзбекистоннинг мустаҳкам пойдевори, ёш авлоднинг инновациялар ва сармояларга бўлган иштиёқи порлоқ келажакни ваъда қилмоқда.
Изоҳ (0)