Жиноят ишлари бўйича Олтиариқ туман судида қўпол турдаги қоидабузарликларни содир этган шахсларга жазо тайинланди.
Маълум қилинишича, суд қилинганлар орасида маст ҳолатда Nexia-3 автомобилини бошқарган фуқаро ҳам бор. Ҳайдовчининг сўзларига кўра, у машинани бошқариб кетаётган вақтида ЙПХ ходимлари томонидан тўхтатилган, бироқ у ҳайдовчилик гувоҳномаси йўқлиги сабаб тўхтамасдан, қочишга уринган.
Суд қарори билан қоидабузар ҳайдовчига Маъмурий жавобгарлик тўғрисидаги кодекснинг 131-модда (транспорт воситаларини маст ҳолда бошқариш) 2-қисми билан 15 сутка маъмурий қамоқ жазоси тайинланди.
Фарғона вилояти ИИБ ЙҲХБ маълумотларига кўра, 2023 йилнинг шу вақтига 104 нафар ҳайдовчи транспорт воситаларини маст ҳолатда бошқаргани, яна 61 нафар шахс эса тиббий кўрикдан транспорт воситалари ҳайдовчиларининг ва йўл ҳаракати бошқа иштирокчиларининг мастлиги ёки маст эмаслигини аниқлаш учун текширувдан ўтишдан бўйин товлагани учун жавобгарликка тортилган.
Сентябрь ойида йўл-транспорт ҳодисаларининг келиб чиқиш сабабларини таҳлил қилган Олий Мажлис Сенатининг Мудофаа ва хавфсизлик масалалари қўмитаси раиси Қутбитдин Бурхонов етти ой давомида содир бўлган ЙТҲлар оқибатида 1 115 киши ҳалок бўлгани, 4 минг 564 нафари турли тан жароҳатлари олганини маълум қилганди.
Изоҳ (0)