Фарғона вилоятида хонадонида 79,2 минг дона пиротехника воситалари сақлаб келган шахс аниқланди, деб хабар беради вилоят ИИБ ахборот хизмати.
Маълум қилинишича, Фарғона тумани ИИБ ходимлари томонидан олиб борилган профилактик тадбирлар давомида “Водил” МФЙда яшовчи Ш.И.нинг яшаш хонадони холислар иштирокида кўздан кечирилган. Натижада, фуқаронинг яшаш хонадони ҳовлисида чегаранинг заиф ҳудудлари орқали Қирғизистондан ўтказилган, тахминий нархи 14,4 миллион сўм бўлган 79,2 минг дона “Трения” номли пиротехника воситаларини ўтказиш мақсадида сақлаб келаётгани аниқланган.
Ҳолат юзасидан Ш.И.га нисбатан Маъмурий жавобгарлик тўғрисидаги кодекснинг 185-моддаси (пиротехника буюмларининг қонунга хилоф муомаласи) прим 1-моддаси билан маъмурий жавобгарликка тортиш чораси кўрилган.
Аввалроқ Наманган вилояти Уйчи туманида 31 миллион сўмлик пиротехника буюмларини сотаётган шахслар ушлангани тўғрисида хабар берилганди. Шунингдек, Ангренда Тошкентга кетаётган Mercedes-Benz ичидан 250 минг донага яқин пиротехника воситалари топилган эди.
Изоҳ (0)