АҚШ расмийлари 2024 йил охиригача Россияни Украина шартлари бўйича музокараларга ундашни режалаштирмоқда. Бу ҳақда АҚШ президентининг миллий хавфсизлик бўйича ёрдамчиси биринчи ўринбосари Жонатан Файнер маълум қилди. Унга кўра, агар Россия Украина шартлари бўйича музокаралар олиб бормаса, Украина АҚШ ва Европадан янада кўпроқ ёрдам олади.
Келаси йил охирида украиналиклар шундай позицияда бўлишини истардикки, Россия қарор қабул қилишга мажбур бўлсин: Россия бутун Украинанинг суверенитети ва ҳудудий яхлитлигини мустаҳкамловчи БМТ Низомига асосланиб, Киев учун мақбул шартлар асосида музокаралар столига ўтиради ёки улар АҚШ ва Европанинг кучли саноат томонидан қўллаб-қувватланадиган кучлироқ Украина билан шуғулланади, — деди Файнер Аспен университетида бўлиб ўтган конференциядаги нутқида.
Оқ уй вакилининг таъкидлашича, АҚШ расмийлари айнан шундай “дилемма”ни Россия раҳбарияти олдига қўймоқчи. Унинг сўзларига кўра, бунга эришиш учун 2024 йилдан кейин Қўшма Штатлар ўзининг ҳарбий-саноат базаси ишлаб чиқариш ҳажмларини оширади. Бундан ташқари, АҚШ аллақачон украиналиклар билан ҳарбий саноатини ошириш бўйича ишламоқда. Шу билан бирга Жонатан Файнер Украина армиясининг Россия ҳудудларига зарбаларини қўллаб-қувватламади ва бундай ҳужумларни АҚШ расмийлари мувофиқлаштирмаётганини таъкидлади.
Ноябрь ойида америкалик журналист Сеймур Ҳерш аноним манбаларга таяниб, Россия ва Украина юқори мартабали ҳарбий раҳбарлар орқали махфий музокаралар олиб бораётгани ҳақида хабар берганди. Бу маълумотни Давлат Думасининг Мудофаа бўйича қўмитаси раиси ўринбосари Юрий Швиткин инкор қилди. Бу йўналишдаги барча ҳаракатлар президент ва Мудофаа вазири томонидан мувофиқлаштирилганини таъкидлади.
Изоҳ (0)