Россия президенти Владимир Путин 6 декабрь куни Бирлашган Араб Амирликлари (БАА) ва Саудия Арабистонига амалий ташриф билан боради. Бу ҳақда президент матбуот котиби Дмитрий Песков маълум қилди, деб ёзади Interfaks.
Эртага президент Путиннинг БАА ва Саудия Арабистонига амалий ташрифлари бўлади, барчаси бир кунда амалга оширилади, — деди Песков журналистлар учун ўтказилган брифингда.
Эртаси куни, 7 декабрда Россия—Эрон музокаралари ўтказилиши режалаштирилган: Эрон президенти Иброҳим Раиси Россияга келади, деб хабар берди Кремль.
2023 йил март ойида Гаагадаги Халқаро жиноий суд Владимир Путинни Украинанинг босиб олинган ҳудудларидан болаларни Россияга ноқонуний равишда депортация қилишда гумон қилиб, ҳибсга олишга ордер берганди. Ордер чиқарилгандан кейин Путин илк хорижий ташрифини октябрь ойида Қирғизистонга уюштирди. Ўша ойда Путин Хитойга, ноябрда Қозоғистонга борди.
Бирлашган Араб Амирликлари ва Саудия Арабистони Халқаро жиноий суднинг Рим статутини ратификация қилган давлатлар қаторига кирмайди, БАА шартномани имзолаган, лекин ратификация қилмаган, деб ёзади Kommersant.
Изоҳ (0)