Хоразмда пневмонияга чалинган 20 ёшли йигит вафот этди

Хоразмда пневмонияга чалинган 20 ёшли йигит даволаниб келганига қарамай вафот этди.

У Тошкент тиббиёт академиясининг Урганч филиали биринчи босқич талабаси бўлган. Муассаса матбуот хизматининг хабар қилишича, талаба Ш.А. 2 декабрь куни соат 12:00 лар атрофида ўткир зотилжам (пневмония) асоратлари бошлаганидан бугунги кунгача даво чораларини олиб келган, шунингдек, тез тиббий ёрдам шифокорлари томонидан биринчи ёрдам кўрсатилганига қарамасдан, вафот этган.

Академия филиали матбуот хизматининг “Газета.уз”га маълум қилишича, йигит касалликка чалинганига 1 ҳафтача бўлган, у ўз уйида вафот этган.

Тегишли идора ва вазирликка маълумотлар етказилган. Суд-тиббий экспертизаси тайинланган. Хулосалар аниқ бўлганидан кейин қўшимча маълумот берилади.