Шавкат Мирзиёев ташрифнинг ишбилармонлик дастуридаги навбатдаги учрашувини Аmеа Power компанияси раиси Ҳусайн Ал-Новайс билан ўтказди. Бу ҳақда Президент матбуот хизмати хабар берди.
Учрашувда, Ўзбекистонда энг аввало, “яшил” энергетика ва туризм инфратузилмасини ривожлантириш соҳаларида қўшма инвестиция лойиҳаларини амалга ошириш истиқболлари кўриб чиқилди. Компаниянинг Ўзбекистонда фаолият юритиш борасидаги режалари қўллаб-қувватланди.
Шунингдек, Шавкат Мирзиёев 2 декабрь куни БААнинг SWС компанияси бош ижрочи директори Аҳмад Ал-Шамсий билан учрашув ўтказди.
Учрашувда компаниянинг Ўзбекистон ҳудудларида сув таъминоти ва сувни тозалаш соҳаларидаги лойиҳаларни қўллаб-қувватлаш ва амалга ошириш, бунда халқаро шерикларни, шу жумладан, Франциянинг SUEZ ва Япониянинг Marubeni компанияларини жалб қилиш борасидаги режалари кўриб чиқилди.
Шу билан бирга Ўзбекистон президенти Дубай шаҳрида Air Products компанияси бошқаруви раиси Сейфи Гасемини қабул қилди.
Қабул давомида компания билан ҳамкорликни, энг аввало, юқори технологик тармоқларда янада кенгайтиришнинг амалий жиҳатлари кўриб чиқилди. Давлат раҳбарига жорий лойиҳаларнинг бориши ва янгиларига тайёргарлик ҳолати тақдимот қилинди.
Таdwееr компанияси бош ижрочи ва бошқарувчи директори Али ал-Даҳерий билан учрашувда эса амирликлар компаниясининг Ўзбекистонда электр энергиясини ишлаб чиқариш лойиҳаларини амалга ошириш, бунда илғор технологик ечимларни жорий қилиш режалари кўриб чиқилди.
Изоҳ (0)