“Қонли қиш олдинда”: Польша офицери Украинадаги уруш қандай кечишини баҳолади

Россия армиясини таҳлил қилувчи эксперт, Польша армияси захираси подполковниги Матсэй Каравай Россиянинг Украинага қарши уруши қишда ҳам тўхтамаслиги, “қонли жанглар” кутилишини айтди. Бу ҳақда у Onet нашрига хабар берди.

Каравайнинг таъкидлашича, узоқ давом этган уруш Россия учун фойда келтирмайди. Совуқ ҳавога қарамай, фронтда жанглар кўп бўлади.

“Аксарият жанг Авдеевка ҳудудида содир бўлади, лекин эҳтимол бошқа жойларда ҳам кечади. Россияда яхши ресурслар бор, лекин катта эҳтимол билан фақат мақсадли жанглар учун. Украина қарши ҳужумдан жуда чарчаганди. Руслар, албатта, бундай нарсалар ҳақида қайғурмайди, чунки улар бир ойда 20 минг кишининг йўқотишларини ўрнини боса олади. Одатда булар паст даражадаги аскарлар, масалан, маҳбуслар”, — деди у.

Польша офицерининг сўзларига кўра, ушбу қишда фронтдаги жанглар ўтган йилгидан ҳам қонли бўлиши мумкин.

“Иккала томоннинг йўқотишлари анча катта. Бу одатий ҳолдан тойдирувчи уруш. Руслар буни ўзлари учун яхши ҳисоблаб чиққан. Улар украиналиклар Ғарбдан олган ўқ-дориларни ишлатишга мажбур бўлиши сабабли аскарлар ва сифатсиз техникаларни йўқотишлари мумкинлигини билади. Бироқ, назаримда, узоқ уруш Россия учун ҳам фойдали эмас. У ўт очишни тўхтатиш ёки бошқа ечим излайди”, — дея хулоса қилди Матсэй Каравай.