28 ноябрь, сешанба куни Шимолий Корея ОАВлари маҳаллий (вилоят, туман, шаҳар ва туман) халқ йиғинлари депутатлари сайлови якунлари бўйича Марказий сайлов комиссияси маълумотларини тарқатди.
Унга кўра, сайловчиларнинг 99,87 фоизи депутатликка номзодлар учун овоз берган (КХДРда сайлов муқобил эмас; сайлов бюллетенида фақат битта номзод кўрсатилган). Қарши овозлар эса - 0,13% ни ташкил қилди.
Шундай қилиб, 1960 йиллардан бери биринчи марта сайловчиларнинг бир қисми, жуда кам сонли бўлса-да, ҳокимият томонидан кўрсатилган номзодларга қарши овоз берди.
Мутахассислар бу ҳолатни дунёдаги, эҳтимол, энг ёпиқ давлат ҳокимияти мамлакатда “ҳақиқий демократия” мавжудлигини намойиш қилишга уриниш сифатида баҳолашмоқда.
Шу пайтгача Шимолий Корея маҳаллий сайловларда номзодларни 100 фоиз сайловчилар қўллаб-қувватлагани ҳақида хабар берган дунёдаги ягона давлат бўлиб қолаётганди.
Изоҳ (0)