Ижтимоий тармоқларда Тошкент метрополитени “Космонавтлар” бекатида ёнғин чиққани ҳақида хабарлар тарқалди. Метрополитен маъмурияти бунга муносабат билдирди.
Унда айтилишича, 28 ноябрь куни “Космонавтлар” метро бекати яқинида жойлашган Тошкент электр тармоқларига тегишли электр кабелларида қисқа туташув ҳолати юзага келган ва бу ҳолат масъуллар томонидан тезкор кўрилган чора-тадбирлар натижасида бартараф этилган.
Юзага келган ушбу ҳолат метрополитен фаолиятига таъсир қилгани йўқ. Метрополитеннинг “Космонавтлар” бекатида барча қурилмалар нормал ҳолатда ишламоқда, — дейилади хабарда.
“Ҳудудий электр тармоқлари” матбуот хизматининг билдиришича, “Сайилгоҳ” подстанциясидан чиқувчи 35 кВ кучланишли кабел тармоғи шикастланган. Вужудга келган ҳолат бартараф этилгунга қадар истеъмолчилар тўлиқ бошқа тармоққа ўтказилган бўлиб, ҳозирда электр энергияси таъминотида узилишлар йўқ.
Мазкур вазият сабаблари аниқланмоқда.
Изоҳ (0)