Янги Зеландия ҳукумати ўсмирлар чекишни тўхтатишга қаратилган янги қонунни бекор қилишга тайёрланмоқда. Мамлакат бюджетини мувозанатлаш учун 2009 йилдан кейин туғилганларга сигарет сотишга яна рухсат берилиши мумкин.
Қонун тамаки маҳсулотларини сотиш бўйича ёш чекловларидан ташқари, тамаки маҳсулотларидаги никотиннинг рухсат этилган миқдорини, уларни фақат махсус тамаки дўконлари орқали сотишни назарда тутади. Бундай дўконлар бутун мамлакат бўйлаб 600 дан ортиқ бўлмаслиги керак.
Ушбу қоидалар 2024 йилнинг ёзида кучга кириши керак. Ҳукумат бу режалардан воз кечишга қарор қилди, шунда сигарета сотишдан тушган даромад бюджет йўқотишларини қоплашга йўналтирилади.
Бош вазир Кристофер Лаксоннинг фикрича, қонунни бекор қилиш яширин тамаки бозори пайдо бўлишининг олдини олади. Бироқ соғлиқни сақлаш экспертларининг фикрича, бундай сиёсат йилига беш минг кишининг ҳаётига зомин бўлиши мумкин, деб ёзади Тhе Guardian.
Аввалроқ Мексикада жамоат жойларида чекиш ва дўконларда тамаки рекламасини бутунлай тақиқловчи қонун кучга кирган эди.
Изоҳ (0)