Моцартнинг сўнгги қасри 13 миллион доллар бошланғич нарх билан аукционга қўйилди

Машҳур бастакор Вольфганг Моцарт яшаган Ступпахдаги деярли 900 йиллик қаср сотувга қўйилди.

Мутахассисларнинг фикрига кўра, қаср узоқ вақт давомида граф Франс фон Валсегга тегишли бўлиб, у 1791 йил февралда вафот этган рафиқаси Анна фон Фламберг хотирасига дафн маросимини ўтказишни Моцартга буюрган.

Бастакор ўлимигача “Реквием”ни ёзган, лекин уни тугатмаган. Моцартнинг шогирди Франц Хавьер Зюссмайр ишни якунлашга муваффақ бўлди. 1792 йилда қўлёзма Валсегга берилди, шундан сўнг у ҳозирда сотувга қўйилган қасрда 1830 йилгача қолди.

 

Қасрнинг 50 хонаси бор ва машҳур Реквием ибодатхонаси ва концерт зали жойлашган барокко боғига туташган. Эр-хотинлар Рейнхард ва Рита Зеллингер қасрни сотиб олганидан кейин эскирган бинони қайта тиклаб, уни Моцарт ва мумтоз мусиқа ихлосмандлари учун машҳур масканга айлантирди. Улар ўз лойиҳасини “Моцартнинг охирги қасри” деб аташган.

Дастлабки маълумотларга кўра, кўчмас мулк 13,1 миллион долларга баҳоланган. Онлайн аукцион 1—14 декабрь кунлари бўлиб ўтади, деб ёзади New York Post.