Дания ҳукумати ва Дания парламентидаги кўпчилик партиялар Украинага 2023 йилда қўшимча 2,3 миллиард Дания кронаси (337 миллион доллар), 2025-2027 йилларда эса 23 миллиард крон (3,4 миллиард доллар) ажратишга қарор қилди, дейилади Мудофаа вазирлиги хабарида.
“Ҳукумат ва Фолкетинг партияларининг аксарияти Украина жамғармасига 2023 йилда 2,3 миллиард крома ва 2025-2027 йилларда 23,5 миллиард крона миқдорида қўшимча ёрдам кўрсатишга рози бўлди”, — дейилади вазирлик хабарида.
Вазирлик, шунингдек, Дания “Украинани қўллаб-қувватлашда етакчи рол ўйнашда давом этиши” ва “мудофаа курашига” катта ҳисса қўшиши кераклигини таъкидлади.
Аввалроқ Россия Украинага қурол етказиб бериш юзасидан НАТО давлатларига нота юборган эди. Россия ташқи ишлар вазири Сергей Лавров Украина учун қурол бўлган ҳар қандай юк Россия учун қонуний нишонга айланишини таъкидлаганди.
Россия Ташқи ишлар вазирлиги НАТО давлатлари Украинага қурол етказиб бериш орқали “ўт билан ўйнашмоқда” деб таъкидлаган.
Изоҳ (0)