Тайсон Фьюри ва Френсис Нганну 2024 йилда реванш жангини ўтказмоқчи.
Бу ҳақида Тайсон Фьюрининг промоутери Фрэнк Уоррен айтиб ўтди.
“Менимча, юқори эҳтимол билан бу юз беради. Албатта, олдиндан ниманидир гапиришга эрта. Келинг, аввал, 17 февраль куни Олександр Усикка қарши жангни ўтказиб олайлик. Шундан сўнг ҳаммаси маълум бўлади.
Лекин реванш бўлиб ўтади. Тайсон ҳам буни хоҳлаётганини, Нганну ҳам реваншга тайёрлигини билдирган. Шундай экан, нега буни қилмаслик керак?”, — дейди промоутер.
Эслатиб ўтамиз, октябрь ойида Саудия Арабистонида Тайсон Фьюри ва Френсис Нганну ўртасида бокс қоидалари бўйича жанг бўлиб ўтган ва унда ҳакамлар қарорига кўра Фьюрининг қўли баланд келганди.
Изоҳ (0)