Исроил армияси БМТнинг Фаластинлик қочқинларга ёрдам кўрсатиш агентлигига қарашли мактабни ўққа тутиши оқибатида камида 12 киши ҳалок бўлди, ўнлаб кишилар яраланди. Бу ҳақда “РИА Новости” хабар берди.
“Исроил артиллерияси Ғазо секторининг шимолий қисмидан кўчирилганлар истиқомат қилаётган Ал-Бурайж лагери ҳудудидаги мактабни ўққа тутди. Оқибатда камида 12 киши ҳалок бўлди, ўнлаб кишилар яраланди”, — дейилади хабарда.
Таъкидланишича, нишонга олинган мактабда икки мингга яқин одам яшаб келган.
Яқин Шарқдаги конфликт 7 октябрь куни Ғазо сектори Исроил томон минглаб ракеталарни отганидан сўнг кескинлашди. ҲАМАС ҳам чегарадош аҳоли пунктларига ҳужум қилиб, тинч аҳолини гаровга олди.
Исроил мудофаа кучлари бунга жавобан “Темир қиличлар” операциясини бошлади. Октябрь ойининг охирида операция қуруқлик босқичига ўтди. Ғазо шаҳри Исроилнинг қуруқликдаги кучлари томонидан ўраб олинган, сектор амалда жанубий ва шимолий қисмларга бўлинган.
Изоҳ (0)