Ички ишлар бўйича Еврокомиссар Илва Йоханссон фикрича, муҳожирларсиз Европа қийин аҳволда қолади.
У Испанияда қонуний миграция бўйича юқори даражадаги конференцияда шундай фикр билдирди.
“Муҳожирларсиз Европа жабр кўради, — деди Европа комиссари. — Агар муҳожирлар Европа Иттифоқида ишлашни тўхтаца, Европа фалаж бўлиб қолади”.
“Миграцияни бошқариш мумкин, бу нормал ҳолат ва бизни қўрқитмаслиги керак. Ҳа, муаммолар ва қийинчиликлар бўлиши мумкин, аммо биз уларни енгишимиз мумкин, чунки бизга миграция керак”, — дея аниқлик киритди Йоханссон.
Сиёсатчининг сўзларига кўра, ўтган йили Европага 3,5 миллион киши қонуний йўл билан кирган, яна 370 мингга яқин одам эса ноқонуний йўл билан чегарани кесиб ўтган.
“Қонуний равишда келганларга эътироз йўқ, улар муҳожирларнинг кўп қисмини ташкил қилади, аксарияти ишлаш учун келган ва бу йўналишни тарғиб қилиш керак. Ноқонуний йўлларни минималлаштириш керак”, — деб таъкидлади Йоханссон.
Изоҳ (0)