Японияда ерости вулқонининг отилишидан кейин янги орол пайдо бўлди. У Токиодан 1200 километр жанубда шаклланган, дея хабар берди Тhе Guardian.
Токио университети қошидаги Зилзилаларни ўрганиш институти доценти Фукаши Маэно муассаса янги оролни рўйхатга олганини тасдиқлади. Диаметри 100 метр ва денгиз сатҳидан 20 метр баландликдаги янги орол вулқон фаоллиги давом этса, ҳажми катталашади, бироқ тўлқинлар таъсирида йўқолиб кетиши ҳам мумкин.
Японияда янги ороллар тез-тез пайдо бўлади, бунга вақти-вақти билан отилиб, юзага чиқадиган кўплаб фаол сувости вулқонлари сабаб бўлади. Бироқ ороллар қанчалик тез-тез пайдо бўлса, йўқолиши ҳам шунчалик бўлади. Шунинг учун оролни дарҳол қайд этиш мумкин эмас. Ҳозирда Японияда 14125 та орол бор, уларнинг аксариятида аҳоли яшамайди.
Изоҳ (0)