Қозоғистонда бир ходимнинг ўртача ойлик иш ҳақи 350 минг 542 тенгедан (753 доллар) ошди. Бу ҳақда Қозоғистон Миллий статистика бюросига таяниб, ДатаHub хабар берди.
![](/static/2023/photo_2023-11-07_18-45-40.jpg)
Долларда ўртача чораклик курс бўйича ўртача ойлик иш ҳақи кўрсаткичи 770 долларни ташкил этди.
“Тахминан 10 йил олдин, 2013 йил июлида ҳам худди шундай эди — 739 доллар. Агар яқин ўтмишга қайтадиган бўлсак, жорий натижалар ўтган чоракдагидан ёмонроқ, ўшанда бу кўрсаткич 814 доллар бўлган, лекин 2022 йилнинг учинчи чорагидан (631 доллар) яхшироқ”, — деб хабар беради ДатаHub.
Статистик маълумотларга кўра, ўртача ойлик иш ҳақининг энг катта ўсиши қуйидаги вилоятларга тўғри келди:
- Жетисув вилояти — 21,1 фоизга;
- Олмаота — 20,8 фоизга;
- Қизилўрда вилояти — 20,7 фоизга.
Миллий статистика бюроси энг юқори маош Атирау вилоятида қайд этилгани — 602,4 минг тенге (1294 доллар), энг паст даромад эса Туркистон вилоятида — 248,9 минг тенге (534 доллар) кузатилганини маълум қилди.
“Саноат бўйича энг юқори иш ҳақи тоғ-кон саноати ва қазишда ўртача кўрсаткичидан 2,2 баравар юқори, молия ва суғурта фаолиятида — 1,9 баробар, ахборот ва коммуникациялар соҳасида — 1,5 баробар, касбий, илмий ва техник фаолиятда — 1,5 баробар юқори”, — дея таъкидлайди экспертлар.