Навоий вилояти прокурори Бахтиёр Аҳмедов бошқа ишга ўтгани муносабати билан лавозимдан олинди. Бош прокуратура матбуот котиби Ҳаёт Шамсутдинов ушбу маълумотни “Дарё”га тасдиқлади.
Маълумотларга кўра, Бахтиёр Аҳмедов Бош прокуратура бошқарма бошлиғи ўринбосари лавозимига тайинланган.
Бахтиёр Аҳмедов 2020 йил 26 ноябрь кунидан Навоий вилояти прокурори лавозимида ишлаб келаётган эди.
Маълумот учун, Бахтиёр Аҳмедов 1976 йилда Сирдарё вилоятида туғилган. 1998 йилда Тошкент давлат юридик институтини ҳуқуқшунос мутахассислиги бўйича тамомлаган.
1998—2001 йилларда Янгиер шаҳар прокуратураси иш ўрганувчиси, ёрдамчиси, катта терговчиси, 2001—2002 йилларда Сирдарё вилояти прокуратураси ички ишлар идораларида Тергов ва суриштирув устидан назорат қилиш бўлими прокурори вазифасини бажарувчи, бўлим прокурори, 2002—2006 йилларда Сирдарё вилояти прокурорининг вояга етмаганлар ҳақидаги қонунлар ижроси устидан назорат бўйича катта ёрдамчиси сифатида ишлаган.
2006—2008 йилларда Прокуратура органларида терговни назорат қилиш бошқармаси таркибидаги ахборот таҳлил бўлими прокурори бўлиб фаолият кўрсатган. 2008—2017 йилларда Сирдарё вилояти прокуратурасида турли лавозимларда ишлаган. Аҳмедов 2017—2018 йилларда Бош прокуратура ҳузуридаги Мажбурий ижро бюроси Сирдарё вилояти бошқармаси бошлиғи, 2018—2019 йилларда Навоий вилояти прокурорининг ўринбосари, 2019 йилдан 2020 йилга қадар Сирдарё вилояти прокурорининг ўринбосари сифатида фаолият юритган.
Изоҳ (0)