Японияда Фукусима-1 атом электр станцияси реакторларини совутишда фойдаланилган сувни Тинч океанига сув қуйиш амалиётининг учинчи босқичи 2 ноябрь куни бошланди, деб хабар бермоқда Jiji Press.
Операциянинг ушбу босқичи аввалги икки босқичга ўхшаш бўлиши кутилмоқда: 17 кун ичида денгиз суви билан суюлтирилган 7,8 минг тонна АЭС суви океанга тўкилади.
ТEPCО атом электр станцияси оператори мутахассислари АЭСдан чиқарилиши режалаштирилган суюқликдаги тритий моддаси жуда паст концентрацияда эканини таъкидлаб, унинг даражаси Япониядаги хавфсизлик стандартлари талаб қиладиган даражанинг қирқдан бир улушига камайганини айтмоқда.
МАГАТЭ раҳбарияти аввалроқ операция хавфсизлигини кафолатлаган эди.
Япон мутахассислари шикастланган атом электр станциясидаги сувни океанга тўкишнинг биринчи босқичини 24 август куни, иккинчи босқични 5 октябрда бошлаганди.
Тўртинчи босқич Янги йилдан кейин бошланиши кутилмоқда.
ТEPCО оператори жорий молия йилида, яъни 2024 йил 31 мартгача жами 31,2 минг тонна сувни океанга тўкишни кутмоқда.
Изоҳ (0)