Еврокомиссия Украинага мамлакат инфратузилмасини тиклаш учун 1,5 миллиард евро миқдорида яна бир транш ажратилишини эълон қилди. Бу ҳақда EК раҳбари Урсула фон дер Ляен маълум қилди.
“Европа комиссияси Украинага 1,5 миллиард евро миқдорида макромолиявий ёрдам ўтказди. Украинага берган ёрдамимиз ҳажми 83 миллиард еврога етди. Биз Украина томонида ҳаракат қилишда давом этамиз ва 2027 йилгача яна 50 миллиард евро ажратамиз”, — деди фон дер Ляен ўз баёнотида.
Украинага макромолиявий ёрдам ажратиш 2022 йил декабрида келишилган эди. Дастур доирасида Киевга ҳар ойда 1,5 миллиард евро юборилади. EК томонидан тушунтирилганидек, маблағлар имтиёзли кредитлар кўринишида тақдим этилади, уларни тўлаш учун Украина ҳукумати 2033 йилдан бошлаб 35 йил муддатга эга бўлади.
2023 йил июль ойи охирида Европа Иттифоқи ташқи сиёсат хизмати раҳбари Жосеп Боррел Европа Иттифоқи ташқи ишлар вазирлари муҳокамасига Украинага қурол етказиб беришни кўпайтириш мақсадида Европа тинчлик жамғармаси ресурсларини кенгайтириш режасини тақдим этишга ваъда берди.
Изоҳ (0)