Самарқанд шаҳридаги 11 та кўп қаватли уй қарийб 10 миллиард сўмлик табиий газ ва электр энергиясидан ноқонуний фойдаланганиб келгани маълум бўлди. Бу ҳақда Энергетика вазирлиги матбуот хизмати хабар берди.
Қайд этилишича, “Ўзэнергоинспекция” томонидан тегишли органлар билан ҳамкорликда ўтказилган назорат тадбирларида Самарқанд шаҳридаги 136-144-сонли кўп қаватли уйлар (9 та) табиий газ тармоғига “Биллинг” дастуридан рўйхатдан ўтмаган ҳолда уланиб олиб, ундан ноқонуний фойдаланиб келаётгани аниқланган.
Ушбу кўп қаватли уйлар “А.Б.” МЧЖ томонидан қурилган бўлиб, дастлабки ҳисоб-китобларга кўра, тизимга қарийб 9 миллиард 535 миллион сўм (25 миллион 90 минг 836 метр куб) зарар етказилгани маълум бўлган.
Бундан ташқари, мазкур ҳудуддаги 142-143-сонли кўп қаватли уйлар электр энергиясидан фойдаланиш учун шартнома тузмасдан, “ПК-учёт” базасида рўйхатдан ўтмаган ҳолда ноқонуний фойдаланиб, тизимга 64 миллион 800 минг сўм зарар етказгани аниқланган.
Қоидабузар истеъмолчига нисбатан белгиланган тартибда чоралар кўриш учун тегишли ҳужжатлар ҳуқуқни муҳофаза этувчи органларга тақдим қилинган.
Аввалроқ Жиззах шаҳридаги МЧЖ 3 млрд 840 млн сўм ёки 19 200 та хонадоннинг бир ойлик истеъмолига тенг миқдордаги табиий газдан ноқонуний фойдалангани аниқланганди. Шунингдек, Тошкентда салкам 530 млн сўмлик газдан ноқонуний фойдаланилгани, Ўзбекистонда бир ойда электр ва газдан ноқонуний фойдаланиш оқибатида тизимга қанча зарар етгани тўғрисида хабар берилган эди.
Изоҳ (0)