Қирғизистон ҳарбий ҳаво флоти иккита жанговар вертолёт билан тўлдирилди. Бу ҳақда “Sputnik Киргизистан” ахборот агентлиги хабар берди.
Қирғизистон раҳбари Садир Жапаров 2021 йилда Ўзбекистон Қирғизистонга МИ-8МTV ҳарбий вертолётини бепул совға қилгани ҳақидаги маълумотни улашди.
Бундан ташқари, худди шундай яна бир авиация Чирчиқ авиатаъмирлаш заводига капитал таъмирга жўнатилган ва уни реконструкция қилиш жараёнини Ўзбекистон Республикаси Мудофаа вазирлиги тўлиқ ўз зиммасига олган.
Яқинда Ўзбекистоннинг тегишли тузилмалари МИ-8МTV тўлиқ таъмирлангани ва фойдаланишга тайёрлигини маълум қилди, деб ёзади “Sputnik Киргизистан”.
Қирғизистон Мудофаа вазирлиги мутахассислари ушбу вертолётни қабул қилиб, Чирчиқдан Чирчиқ – Ўш, Ўш – Бишкек йўналиши бўйича олиб келган ва фаол фойдаланишга тайёрлигини тасдиқлаган.
Қирғизистон раҳбари Ўзбекистон президенти Шавкат Мирзиёевга Қирғизистон Республикаси ҳарбий-ҳаво кучлари флотини тўлдиргани учун чуқур миннатдорлик билдирган.
Изоҳ (0)