БААнинг Абу-Даби шаҳрида 21 октябрь, шанба куни UFC 294 мусобақаси бўлиб ўтди.
Кечанинг асосий жанги Ислом Махачев ва Александр Волкановски ўртасида кечди. Унда Махачев 1-раунддаёқ Волкановскини кучли ҳайкик эвазига нокаутга учратди ва камарини ҳимоя қилди.
Шу тариқа Ислом Алексга қарши иккинчи жангида ҳам ғалаба қозонди.
Эслатиб ўтамиз, Александр Волкановски ва Ислом Махачев илк бор UFC 284 да тўқнаш келган ва унда очколар эвазига доғистонлик жангчининг қўли баланд келган.
UFC 294 турнирининг қолган натижалари билан танишинг:
Асосий кард натижалари:
Ҳамзат Чимаев (13-0) Камару Усмонни ҳакамлар қарорига кўра мағлуб этди
Магомед Анкалаев (18-1-1) ва Жонни Уокер (21-7) ўртасидаги жанг Анкалаевнинг тақиқланган зарба бериши туфайли ўтказилмаган деб топилди
Саид Нурмагомедов (18-3) сабмишен орқали тожикистонлик Муин Ғофуровни (18-6) таслим этди.
Икром Алискеров (15-1) 1-раундда бразилиялик Варлей Алвесни (15-7) нокаутга учратди.
Прелим кард жанглари натижалари:
Муҳаммад Мокаев (11-0) учинчи раундда Тим Эллиот (20-13-1) устидан ғалаба қозонди.
Тревор Пик (9-1) очколар эвазига Муҳаммад Яҳёни (12-4) ютди;
Жавид Башорат ва Виктор Генри ўртасидаги жанг тақиқланган зарба сабаб ўтказилмаган деб топилди.
Седрик Дюма (9-1) очколар эвазига Абу Азайтарни (14-4-1) ютди;
Майк Brideн (11-6) 3-раундда Аншу Юблини (7-1) нокаут қилди;
Виктория Дудакова (8-0) 3 раундлик жангда очколар эвазига Жин Ю Фрейни (11-10) мағлуб этди.
Муҳаммад Наимов (10-2) 3-раундлик жангда Натаниэл Вудни (20-7) очколар эвазига ютди.
Шара Магомедов (12-0) ҳакамлар қарорига кўра Бруно Сильвани (23-10) мағлуб этди.
Изоҳ (0)