Футбол бўйича Евро—2024 саралаши доирасида Португалия Босния ва Герцоговина устидан 5:0 ҳисобида ғалаба қозонди. Роналду учрашувда дубль муаллифига айланди.
Шу тариқа Криштиану 2023 йилда клуб ва терма жамоадаги голлари сонини 40 тага етказди ва Эрлинг Ҳоланддан ўтиб кетди.
Норвегиялик футболчида 39 та гол бор эди. “ПСЖ” ва Франция терма жамоаси ҳужумчиси Килиан Мбаппеда эса 35 та гол мавжуд.
Шунингдек, Роналду Европа Чемпионати саралаш ўйинларидаги голлари сонини 40 тага етказди. Португалиялик бу борада рекордчи ҳисобланади. Иккинчи ўриндан ирланиялик Робби Кин жой олган. Кин 44 ўйинда 23 та голга муаллифлик қилган.
Евро—2024 саралашида эса Роналду 9 та гол урди. Ҳозирча Бельгия терма жамоаси ҳужумчиси Ромелу Лукаку (10 та гол) ундан олдинда.
Криштиану ўз фаолияти давомида 12-бор бир календарь йили давомида минимум 40 та голга муаллифлик қилмоқда. Бу борада у Лионель Мессини ортда қолдирди.
Изоҳ (0)