Футбол бўйича Ўзбекистон U-23 терма жамоаси 16-октябрь, душанба куни Миср ёшларига қарши ўртоқлик ўйинида иштирок этди.
Учрашувнинг 27-дақиқасида Алишер Одилов ҳисобни очди. Иккинчи бўлимда ўзбекистонликлар бир киши кам бўлиб қолди. 53-дақиқада Маҳмуд Муҳаммаджоновга иккинчи сариқ карточка кўрсатилди ва майдондан четлатилди. 73-дақиқада Билол Мазҳер ҳисобни тенглаштирди. Ўйин сўнгида эса Зиёд Муҳаммад узоқдан чап оёқда зарба бериб, Назаров дарвозасини ишғол қилди ва Мисрга ғалаба келтирди.
13-октябрь куни Тимур Кападзе жамоаси Испания ёшларига қарши майдонга тушиб, 0:0 ҳисобида дуранг қайд этганди.
Ўртоқлик ўйини
16-октябрь, душанба
Ўзбекистон U-23 – Миср U-23 1:2
Голлар: 1:0 — 27 Алишер Одилов, 1:1 — 73 Билол Мазҳер, 1:2 — 90 Зиёд Муҳаммад.
Ўзбекистон U-23: 12. Владимир Назаров, 3. Маҳмуд Муҳаммаджонов, 5. Муҳаммадқодир Ҳамралиев, 7. Ҳожимат Эркинов, 11. Отабек Жўрақўзиев (Жасур Жалолиддинов, 51) 13. Элдор Бегимов (Одилбек Абдумажитов, 66) 16. Асадбек Раҳимжонов, 17. Абдурауф Бўриев, 19. Ҳусайн Норчаев (Руслан Жиянов, 66) 22. Алишер Одилов, 25. Умарали Раҳмоналиев.
Миср U-23: 1. Ҳамза Алаа Абдалла, 3. Омар Фаэд Абдулваҳоб, 4. Аҳмед Эид Муҳамма, 5. Ҳуссам Абдулмажид Абдулсалом, 7. Маҳмуд Сабир Абдулмуҳсин ( 24. Аҳмад Саид Абду Наби, 80), 9. Осама Фейсал Аҳмед, 11. Аҳмед Фавзи (8. Араби Бадер Муҳтор, 54) 14. Аҳмед Атеф Эл Сави (22. Зиёд Муҳаммад), 17. Муҳаммад Муҳаммад Шаҳата, 19. Али Маҳмуд Заазаа, 27. Муҳаммад Ҳамди (21. Муҳаммад Ашраф, 54).
Огоҳлантиришлар: Маҳмуд Муҳаммаджонов (45+3), Маҳмуд Муҳаммаджонов (53), Осама Фейсал Аҳмед (80).
Четлатиш: Маҳмуд Муҳаммаджонов (53).
Изоҳ (0)