Расман: Фазлиддин Ғойибназаров собиқ жаҳон чемпионига қарши рингга кўтарилади

Ўзбекистонлик боксчи Фазлиддин Ғойибназаровнинг проф боксдаги навбатдаги рақиби собиқ жаҳон чемпиони бўлади. 

Фазлиддин 5 ноябрь куни Россиянинг Сочи шаҳрида ташкил этиладиган профессионал бокс оқшомида россиялик собиқ жаҳон чемпиони Ражаб Бутаевга қарши рингга кўтарилади. Бу ҳақида Ўзбекистон профессионал бокс федерацияси матбуот хизмати маълум қилди.

Бутаев 2021-2022 йиллар оралиғида WBA йўналиши чемпиони бўлган. Айни пайтда у WBA рейтингида 4-ўринни эгаллаб турибди.   

Маълумот учун, Ражаб Бутаев ўзбекистонлик боксчилар Шаҳрам Ғиёсов, Муроджон Аҳмадалиев, Исроил Мадримовнинг жамоадоши ҳисобланади. Ҳисобида 14 ғалаба (11 нокаут) ва битта мағлубият бор. 

32 ёшли Фазлиддин Ғойибназаров проф боксда 11 ғалаба (6 нокаут) ва битта мағлубият қайд этган. 

Эслатиб ўтамиз, 5 ноябрь кунги бокс оқшомида Ҳасанбой Дўстматов ҳам ўз жангини ўтказади.