Бугун, 5-октябрь куни АОКАда Гидрометеорология хизмати агентлиги томонидан матбуот анжумани ўтказилди. Унда журналистлар томонидан кириб келаётган 2023—2024 йил қиш мавсумида аномал савуқ яна кузатиладими, деган савол берилди.
.jpg)
Агентлик бошқарма бошлиғи Азимжон Нарзуллаевнинг жавоб беришича, об-ҳаво прогнозлари бўйича 2023—2024 йил қиш мавсумида 2023 йил январдаги каби жуда паст даражадаги аномал совуқ ҳарорат кутилмайди.
“Аммо бир ҳолатда бўлса ҳам, шимолдан ривожланган совуқ атициклонларнинг минтақага кириб келишида республиканинг катта қисмида ҳароратнинг минус 7–12 даражагача, шимолда минус 17–22 даражагача пасайиш тўлқинлари вужудга келиш эҳтимоли борлигини айтиш мумкин”, — деди Азимжон Нарзуллаев.
Маълумот учун, 2023 йилнинг январида совуқ антициклоннинг республикада чуқурроқ кириб келиши фонида республика катта қисмида ҳарорат минус 17–22 даражагача пасайган эди.
Иқлимшунос Эркин Абдулаҳатов “Дарё” нашрига берган интервьюсида Ўзбекистонда охирги 20 йилликдаги энг совуқ ҳарорат кузатилганини айтганди.
Изоҳ (0)