Севги шоҳни гадога, гадони шоҳга айлантирадиган қудратга эга туйғу. У миллат, дин, ёш танламайди.
Ник Жонас ва Приянка Чопра
На миллатидаги фарқлар, на ёш фарқи бу жуфтликнинг бирга бўлишига тўсқинлик қилмади. Ник Жонас америкалик, унинг рафиқаси Приянка Чопра эса ҳиндистонликдир. Мусиқачи ва актриса 2018 йилда турмуш қуришди.
Уларнинг тўйи бир неча кун давом этди, юлдузлар классик оқ либос ва смокингдан ташқари, маросим учун ҳинд либосларини ҳам кийишди. Ник ва Приянка анъанавий Ганеш Пужа тўй маросимини ўтказди. Жонас Чопранинг миллий анъаналарини ҳурмат қилади ва у билан бирга муҳим маросимларда қатнашади.
Наталя Водянова ва Антуан Арно
Асли Нижний Новгороддан бўлган модел шон-шуҳратнинг “дунё босқичи”га кириб, таниқли французнинг қалбини забт этишга муваффақ бўлди. 2020 йил сентябр ойида у француз бизнес империясининг вориси Антуан Арнога турмушга чиқди. Турли миллатларга мансуб бўлишига қарамай, Наталя ва Арно бир-бирига жуда мос — чиройли жуфтлик.
Адел ва Рич Пол
Аделнинг йигити ҳақида кўп нарса маълум эмас. Хонанда Рич Полга ишқий муносабатларининг тасдиғи сифатида фақат битта пост бағишлаган. Рич — афроамерикалик спорт агенти, Адел — британиялик қўшиқчи. Айтганча, кузда жуфтлик яширинча турмуш қуришган деган миш-мишлар тарқалди. Хонанда бу маълумотни тасдиқламади, лекин у ва Пол бирга яшаши маълум.
Ева Мендес ва Райан Гослинг
Ева Мендес кубалик муҳожирлар оиласида туғилган, Райан Гослинг эса француз-канадалик. Жуфтлик камдан-кам ҳолларда биргаликда ҳаётларининг тафсилотларини баҳам кўришади. Уларнинг яширин тўйи ҳақидаги миш-мишлар 2016 йилдан бери бор. Уларнинг сўзларига кўра, бахт сукунатни яхши кўради. Жуфтлик биргаликдаги фотосуратларни ҳам ижтимоий тармоқларга жойлаштирмайди.
Ирина Шейк ва Бредли Купер
Ирина Шейк Бредли Купернинг қалбида алоҳида ўрин тутади. Модель Челябинск вилоятидан, Купер эса ирланд ва италян илдизларига эга бўлган америкалик актёр. 2019 йилда жуфтлик бутунлай ажралишди. Инсайдерларнинг хабар беришича, Ирина Бредли билан иккинчи фарзандни орзу қилади.
“Сентябр ойида улар оилавий дам олишди. Жуфтлик шу қадар яхши вақт ўтказдики, улар яна эр-хотин бўлиш ва кўпроқ фарзанд кўриш ҳақида жиддий ўйлашмоқда. Ирина ҳақиқатан ҳам қизининг укаси ёки синглиси бўлишини хоҳлайди”, — деб аниқлик киритади инсайдер.
Зоe Салдана ва Марко Перего
Бу жуфтлик ҳар доим оломондан ажралиб туради. Зоe Доминикан ва Пуэрто-Риколик отадан туғилган актриса, Марко эса италиялик кинорежиссёр ва рассом. Зоe ва Марко бир неча ойлик танишувдан сўнг 2013 йилда турмуш қуришди. Айтганча, замонавий Италияда никоҳдан кейин фамилия ўзгартириш одатий ҳол эмас. Аммо Марко хотинининг фамилиясини олишга қарор қилди ва Перего-Салдана бўлди.
Мен унга: “Агар фамилиямни олсанг, бутун дунё, санъат аҳли, жамоатчилик сени тўнка дейишади”, дедим. Аммо Марко шунчаки менга қаради ва ёқимли италянча талаффузда: “Оҳ, Зоe, менга барибир”, деб эслайди актриса.
Изоҳ (0)