Тошкент вилояти Янгийўл туманида Matiz ҳайдовчиси ўлдирилиб, машинаси ёқиб юборилгани ҳақида хабарлар тарқалди.
Бош прокуратура матбуот хизматининг “Дарё”га маълум қилишича, ҳолат юзасидан Жиноят кодексининг 97-моддаси (қасддан одам ўлдириш) билан жиноят иши қўзғатилган. Ҳозирда малакали ходимлардан иборат тезкор-тергов гуруҳи томонидан жиноятни фош этиш чоралари кўрилмоқда.
Шу каби ҳолат Тошкент шаҳар Чилонзор туманида ҳам кузатилган эди. 31 август куни соат тахминан 18:00 ларда 1996 йилда туғилган Б.А. яшаш манзилидан ўз бошқарувидаги қора рангли Gentraъда чиқиб кетиб, бедарак йўқолган.
Ўтказилган тезкор-қидирув тадбирлари давомида Чилонзор тумани, Бунёдкор кўчасидаги футбол спорт майдони ҳудудида жойлашган автотураргоҳда Gentra автомашинаси ичида бедарак йўқолган эркакнинг мурдаси бош юз қисми бир неча қатлам полиэтилен пакет билан ўралган ҳолда топилган.
Изоҳ (1)
инсонийликни унутмайлик!!!