“Афсус, Владимир” — Клинтон НАТОнинг кенгайишида Путинни айблади

АҚШ собиқ давлат котиби Хиллари Клинтон НАТОнинг кенгайишига Россия президенти Владимир Путин айбдор эканини айтди. Бу ҳақда Reuters хабар берди.

“Афсуски, Владимир. Бунга ўзингиз сабабчи бўлдингиз”, — деди Клинтон. У “ҳеч ким НАТОга киришга мажбурланмаслиги” ва ҳар бир давлат мустақил равишда тегишли қарор қабул қилишини билдирди. Кремль матбуот котиби Дмитрий Песков бунга жавоб қайтарди.

“Президент Путиннинг ҳаракатларига келсак, Клинтон хонимга НАТО кенгайиши ва альянс ҳарбий инфратузилмасининг чегараларимизга яқинлашиши, кейин Путиннинг Ғарб давлатларига буни муҳокама қилиш, Россия томонидан тайёрланган хавфсизлик кафолатлари тўғрисидаги маълум ҳужжатни имзолаш таклифи, Ғарб давлатлари эса буни муҳокама қилишдан қатъий бош тортганини эслатиб ўтиш керак. Шунда ъмахсус ҳарбий операциягаъ нима сабаб бўлгани аниқ бўлади”, — деди у.

Россия қўшинларининг Украинага ҳужуми бошланганидан сўнг, йиллар давомида нейтрал бўлиб келган Финляндия ва Швеция НАТОга аъзо бўлиш учун ариза берди. 2023 йил апрель ойида Финляндия иттифоққа аъзо бўлди ва Россиянинг НАТО билан қуруқликдаги чегараси икки баравар кўпайди.