Америка Актёрлар гилдияси ва продюсерлар уюшмаси ҳеч қачон тинч юрмаган. Яқинда бўлиб ўтган музокаралардан сўнг, гилдия раҳбарлари энди ўйин компанияларига қарши янги иш ташлаш вариантини кўриб чиқмоқда. Голливуд актёрлари пул хайрия қилиш, қизиқарли нарсалар ва хизматларни кимошди савдосига қўйиш орқали норозилик оловини кучайтирмоқда.
Жереми Аллен Уайт — “Айиқ” сериалидаги пешбанд (фартук)
Актёр ва машҳур “Айиқ” телесериали туфайли “мактаб ходими”нинг оддий кўк пешбанди ошпазлик жиҳозларининг мода элементига айланди. Уайт ва шоуда иштирок этган бошқа юлдузларнинг автографи билан унинг нархи сезиларли даражада ошди. Кимошди савдоси давом этмоқда: пешбанд нархи 2225 доллардан кам эмас.
Марк Руффало — Функо ПОП ўйинчоқлари
Халк ролини ижро этган актёр дастлаб Функо билан шартнома имзолайди, кейин эса сотувга қўйилган бир нечта ўйинчоқлар учун ҳам шартнома қилинади.
Кейинчалик компания бош директори Брайан Мариотти 2022 йилда кўрилган фойда ҳақида маълум қилди, шунингдек, 245 миллион долларга етган қарз миқдорини ҳам эълон қилди. У ишлаб чиқариш ортиқ давом этмаслигини айтди: тахминан 2,7 миллион ҳайкалчани утилизация қилиш керак эди. Ортиқча маблағ ҳисобдан чиқарилиши муносабати билан компания ходимларининг ўн фоизга яқини ишдан бўшатилди. Актёр эса мазкур ҳайкалчаларни аукционга қўйиб, вазиятни яхшиламоқчи.
Киану Ривз – “Билл ва Теднинг ажойиб саргузаштлари” фильмининг имзоланган сценарийси
Киану Ривзнинг карьераси ушбу эсда қоларли фильмдан бошланган. Сценарийга нафақат Ривз, балки унинг шериги Алекс Винтер, шунингдек, кўрсатув бошловчилари Крис Матесон ва Эд Соломон ҳам имзо чеккан.
Дэниэл Редклифф — “Ғалати Эл” фильмидаги кўйлак
Гриффиндорнинг шарф ва таёқчалари аллақачон сотилган, бироқ Дэниэл Редклифф кимошди савдосига таклиф қиладиган нарсаси бор — “Ғалати Эл” комедиясидаги қаҳрамоннинг Гавайи кўйлакларидан бири. Фильмда актёр эксантрик аккордеончи Алфред Янкович ролини ўйнади. Кўйлакка Редклифф дастхат ҳам қўйган. Кимошди савдоси ғолибига Янковичнинг автографи қўйилган DVD ҳам берилади.
Адам Скотт — ит билан сайр
Актёр сукунатдан баҳраманд бўлиш ёки ит билан ўйнаш мумкин бўлган кўплаб парклар ва дам олиш жойларини билади. Ҳайвонларни севувчи Скотт аукцион ғолибининг ўзи ва ити билан бир соат сайр қилишга тайёр. Уларга бошқалар ҳам қўшилиши мумкинлиги алоҳида таъкидланган.
Изоҳ (0)