Қирғизистон Ижтимоий жамғармаси пенсия жамғармаларини олтинга сармоя қилишни таклиф қилмоқда. Қонун лойиҳаси жамоатчилик муҳокамасига тақдим этилди. Бу ҳақда 24.kg хабар берди.
Таъкидланишича, ҳозирда жамғарма консерватив инвестиция сиёсатини олиб бормоқда, яъни нафақахўрларнинг молиявий активларининг хавфсизлиги уларнинг даромадлилигидан устун туради. Аммо пенсия тизимининг босқичма-босқич ривожланиши даромадли воситалар бўйича ставкаларни пасайтириш хавфига олиб келади.
Ижтимоий жамғарма Давлат жамғариб борувчи пенсия активларининг 10 фоизини олтинга йўналтиришни таклиф қилмоқда.
Бу 3 миллиард 842,3 миллион сомни (тахминан 43 миллион 309 минг доллар) ташкил этади. Шу билан бирга, Ижтимоий жамғарма сотиб олинган қимматбаҳо металлни қандай ва қаерда сақлашни билмайди. Олтин қуймаларини сақлаш масаласи қонун лойиҳасини амалга ошириш жараёнида ишлаб чиқилади.
Изоҳ (0)