21 сентябрь куни кечқурун Ереванда Арманистон ҳукумат биноси олдидаги Республика майдонида бош вазир Никол Пашиняннинг истеъфосини талаб қилувчи йирик норозилик намойиши бўлиб ўтди.
Намойишчилар ҳукумат биноси олдига йиғилиб, бир неча гуруҳга бўлинган ҳолда шаҳар кўчалари бўйлаб юришни бошлади ва йўлларни тўсиб қўйди, полиция эса уларни ҳибсга олишга киришди. Намойишчилар “Никол — хоин!” деб қичқиришди.
Marshдан кейин фаоллар ҳукумат биносига қайтди: у ерда полиция билан тўқнашувлар бошланди. ОАВ хабар беришича, полиция одамларни аёвсиз ҳибсга олган.
“РИА Новости” хабарига кўра, ҳукумат биноси яқинида 46 киши қўлга олинган.
Ереванда норозилик намойишлари 19 сентябрда, Озарбайжон тан олинмаган Қорабоғ республикасида аксилтеррор операциясини эълон қилганидан кейин бошланган. Намойишчилар Арманистон ҳукуматидан можарога аралашиб, у ерда яшовчи этник арманларга ёрдам беришни талаб қилди.
Изоҳ (0)