Ўзбекистонда Ижтимоий ҳимоя ягона реестрига киритилган жисмоний шахсларга 3,6 млрд сўмдан ортиқ ҚҚС қайтарилди. Бу ҳақда Давлат солиқ қўмитаси хабар берди.
Ижтимоий ҳимоя ягона реестрига киритилган жисмоний шахсларга чакана савдо объектларидан 5 турдаги маҳсулотларни (қўй гўшти, парранда гўшти, мол гўшти, тухум ҳамда ўсимлик ёғи) сотиб олганда харид суммасидан 1 фоиз миқдордаги кешбэк ўрнига, 12 фоиз ҚҚС (ижтимоий кешбэк) суммасини қайтариб олиш 2023 йил 1 майдан жорий этилганди.
Қайд этилишича, айни пайтгача 84 714 нафар истеъмолчига 3 миллиард 652 миллион сўмдан ортиқ ижтимоий кешбэк тўлаб берилди.
Хусусан:
- май ойи учун 22 159 нафар фуқарога 1,1 миллиард сўм;
- июнь ойи учун 30 613 нафар фуқарога 1,3 миллиард сўм;
- июль ойи учун 31 942 нафар фуқарога 1,2 миллиард сўм.
Август ойи чеклари учун кешбэк сентябрь ойининг 25-санасидан сўнг тасдиқланади. Кешбэк олиш учун Солиқ мобил иловасида харид чекининг QR-кодини сканер қилиш лозим.
Изоҳ (0)