Турк актёрлари узоқ вақтдан бери миллионлаб мухлисларнинг қалбидан жой эгаллашда давом этмоқда, бироқ улар лойиҳаларнинг қизиқарли сюжетлари, шунингдек, суратга олиш майдончасидаги ажойиб партнёрларисиз машҳурликка эриша олмайди. Қуйида турк кино оламида ўз ўрнига эга бўлган, машҳур лойиҳаларда бош ролларни ижро этган турк актрисалари ҳақида маълумот берилади.
Ҳафсанур Санжактутан
Бир қарашда нафис, латофатли бўлиб кўринадиган актриса Ҳафсанур Санжактутан ёшлигида жуда жўх бўлган, шу сабабли унинг ота-онаси қизини каратэга беришга қарор қилган. Улар адашишмади: бўлажак актриса ушбу жанг санъати бўйича Туркия чемпионлигини қўлга киритди ва қора камарга эга бўлди.
Ҳафсанурнинг лойиҳалардаги қаҳрамонлари мураккаб характерга эга: масалан, унинг “Агар қаттиқ севсангиз” фильмидаги “Лейла Дениз”и бир қарашда кўринадиган даражада оддий қаҳрамон эмас. Масалан, лойиҳада бир куни унинг фирибгарлик схемаларини амалга ошириб, бой турклар билан “ажрашиб”, ўз тўйидан қочиб, полициядан яшириниб юрганини, бошқа кун эса уч фарзандига меҳр бериб, ғамхўрлик қилиб, ҳашамдор либосларда зиёфатларда вақт ўтказганини кўриш мумкин. Томошабинлар иқтидорли турк актрисаси Ҳафсанурнинг кино оламдаги келажаги катталигига ишонади.
Серенай Сарикая
Серенайнинг ота-онаси қизининг келажагига катта эътибор қаратган: бўлажак актриса болалигиданоқ рақс, қўшиқ айтиш ва бир нечта спорт турлари билан шуғулланган. Актриса гўзаллик танловида Туркия вакили сифатида иштирок этган ва ғолибликни қўлга киритган. Бу каби истеъдодлар тўплами ва ажойиб кўриниш унинг моделлик бизнеси ва кинодаги йўлини очди. Бироқ ҳақиқий ҳаётдан фарқли ўлароқ, Серенайнинг экрандаги қаҳрамонларининг тақдири ҳар доим ҳам қизиқ кечавермайди.
Аслан ўз бойлигини қонуний бўлмаган йўл билан топган бадавлат оиланинг меросхўри. Бу аччиқ ҳақиқат йигитнинг қалбига оғир ботади, тушкунликка тушади. Девин билан тасодифий танишув қаҳрамонни ўз тақдирига бутунлай бошқа томондан қарашга мажбур қилади, шу билан бирга аёлнинг ҳаётини ўзгартиради. Асланнинг бадавлат қариндошлари унинг янги тамойилларига умуман рози эмас ва йигитни Девиндан ажратиш учун ҳамма нарсага тайёр бўлади. Аммо кучли характер ва қийинчиликларга қарамай, орқага чекинмаслик одати актрисадан унинг қаҳрамонларига ўтади: Девин севгиси учун кўп нарсага тайёр бўлади, ҳатто маҳаллий мафияларнинг ҳаётини хавф остига қўяди.
Дилан Чичек Дениз
Моделлик оламининг энг юқори поғонасига кўтарилган яна бир турк актрисаси Дилан Чичек Дениз 2014 йилда “Коинот гўзали” танловида Туркия шарафини ҳимоя қилган. Актриса машҳурликка шўнғиб кетмади, бу уни янги ютуқларга эришишига сабабчи бўлди: Дилан ўзининг севимли машғулоти билан шуғулланишни, шеър ёзишни давом эттирди ва ўзини кастингларда синаб кўришга қарор қилди. Бу уринишлар муваффақият билан якунланди: актриса фильмлар ва сериалларда фаол рол ўйнашни бошлади, шунингдек, косметик брендлар учун реклама кампанияларининг юзига айланди.
Диланнинг энг машҳур ролларидан бири — “Чуқур” серилалидаги Сена образи. Мафтункор Сена тимсолида у ўз севгилисини қидириб бориши ва қаҳрамон, унинг турмуш ўртоғининг ҳаётига таҳдид соладиган қийин вазиятларни бошдан кечириши керак бўлади. Сена Ямачнинг асосий таянчи ва суянчига айланади, бироқ тез орада турмуш ўртоғининг бошқа томонини билиб олади ва у энг оғриқли қўрқувига дуч келади. Дилан қандай курашишни ва ғалаба қозонишни билади, шунинг учун унинг лойиҳалардаги қаҳрамонлари ҳам доим муваффақият қозонади.
Демет Ўздемир
Демет Ўздемир болалигиданоқ ҳамма нарса машаққатли меҳнат орқали келишини тушуниб етди: оила катта молиявий қийинчиликларни бошдан кечирди ва бўлажак актриса ўзининг ёқтирмаган машғулоти – рақсга тушишни касбга айлантиришга мажбур бўлди. Орадан кўп ўтмай Деметнинг истеъдоди юзага чиқди ва унга рекламада чиқиш таклиф қилинди. Деметнинг актрисалик карьераси шундай бошланди ва дарҳол унга катта гонорарлар ва фильмларга таклифномалар олиб келди.
“Эрта учган қуш” сериалидаги Санем кўплаб томошабинларнинг қалбидан жой эгаллади. Нозик ва заиф, аммо аниқ мақсадга эга ва ўта қайсар, Санем турмуш қуришдан қочиш учун ёқтирмаган компаниясида зерикарли ҳолатда ишлашга ва иккиюзламачи ҳамкасбларига тоқат қилишга мажбур бўлади. Бироқ бесцеллер ёзиш ва ҳақиқий севгисини топиш орзусини рўёбга чиқаришга ҳаракат қилишдан воз кечмайди.
Неслиҳан Атагул
Неслиҳан 8 ёшида актриса бўлишга қарор қилди. Режа амалга ошди, Неслиҳаннинг ўзи бу борада ташаббусни ўз қўлига олди, актёрлик агентларини қидирди ва кастингларга борди. У 13 ёшида ўзининг биринчи катта ролини олди ва шундан буён унинг карьераси қизғин давом этмоқда.
Неслиҳанннинг энг ноодатий образи “Элчининг қизи” фильмидаги нуфузли сиёсатчининг ёш меросхўри Наре ўзининг биринчи муҳаббатини қалби синган ҳолда тарк этади, ёлғиз онага айланади, турли қийинчиликларга дуч келади, у билан барча алоқаларни узади. Наре бир вақтлар йўллари айро бўлган севгилиси билан учрашиб, унинг бой инсонга айланганини ва бошқа қизга уйланганини билиб олади.
Наре ўзининг биринчи муҳаббатини қайтариш ва унинг айби билан ажралиб кетган оилани қайта қуриш учун эски яраларини даволаши керак. Неслиҳан ўз қаҳрамонининг хатоларини такрорламайди, у шахсий ҳаётига ҳам, карьерасига ҳам донолик билан ёндашади.