Кичик ва ўрта бизнес корхоналарининг молиялаштиришга имкониятини ошириш мақсадида, Ипак Йўли банки узоқ мутдатли маблағларни жалб қилиш учун ўз ҳамкорлар рўйхатини кенгайтирмоқда. Финляндиянинг “Finnfund” инвестицион жамғармасининг 15 миллион долларлик кредити билан банк ўз фаолиятини микро, кичик ва ўрта корхоналар билан ривожлантиришда давом этади.
“Биз “Finnfund” билан биринчи шартномани имзолашдан жуда хурсандмиз. Биз Ўзбекистонда хусусий секторнинг иқтисодиётдаги иштирокини қўллаб-қувватлаш ва ошириш, молия олиш имкониятларини яхшилаш соҳасида узоқ муддатли ҳамкорликни кутмоқдамиз.
Ушбу битим бизга банк фаолиятининг асосий қисми бўлган инклюзив хизматларни тақдим этадиган мамлакатда кўплаб кичик ва ўрта корхоналарни қўллаб-қувватлашни давом эттиришга имкон беради”, — деди Ипак Йўли Банки бошқарув раиси Саидаброр Саидаҳмедов.
“Finnfund” компаниясининг бошқарувчи ва бош директори Жаакко Кангасниэми эса қуйидагича баёнот берди: “Ўзбекистонда хусусий секторни фақат ўрта ва кичик бизнеслар молиявий манбаларга кириш имкониятига эга бўлгандагина ривожлантириш мумкин. Ипак Йўли банки кредит беришни кўпайтириш бўйича улкан режаларга эга ва ўз хизматларини онлайн ва офлайн режимда ривожлантиришни яхши йўлга қўйган ва биз бу тадбиркорларга ўз бизнесларини ривожлантириш учун керак бўлган энг муҳим омил эканлигига ишончимиз комил”.
“Finnfund” ҳақида
“Finnfund” Финляндиянинг инвестицион жамғарма ва ривожлантириш бўйича инвесторидир. Жамғарма барқарор келажакни қуради ва глобал ривожланиш муаммоларини ҳал қиладиган корхоналарга сармоя киритиш орқали доимо кўмаклашади. Ҳар йили 20 дан 30 тагача ривожланаётган мамлакатларга 200-250 миллион евро миқдорида сармоя киритишади. Асосий тармоқлар қайта тикланадиган энергия, барқарор ўрмон хўжалиги, барқарор қишлоқ хўжалиги, молия институтлари ва рақамли инфратузилма бўйича ечимларни ўз ичига олади. Бугунги кунда “Finnfund” нинг сармоялари, мажбуриятлари ва инвестицияси жами 1,22 миллиард еврони ташкил этади ва уларнинг ярми Африкада минтақасида. Компаниянинг Хелсинки ва Найробида жойлашган бўлимларида 100 нафар ходими бор. Батафсил маълумотларни https://www.finnfund.fi сайтида олишингиз мумкин.
Ипак Йўли банки ҳақида
Ипак Йўли банки 1990 йил апрель ойида ташкил этилган бўлиб, Ўзбекистондаги универсал тижорат банк ҳисобланади. Банк яхши ташкил этилган 17 филиал тармоғи ва 46 экспресс марказлари орқали кичик ва ўрта бизнезга ва шунингдек, чакана савдо секторига кенг кўламли банк хизматларини тақдим этади. Ипак Йўли банки доимий равишда мижозлар базасини, банкнинг минтақавий иштирокини кенгайтириш, ҳар бир мижознинг эҳтиёжларини қондириш учун хизматлар сони ва турларини кенгайтириш орқали ўз фаолиятининг доимий ўсишига интилади.
Банк ҳақида тўлиқроқ маълумот олиш учун https://www.ipakyulibank.uz сайтига киришингиз мумкин.
Реклама ҳуқуқи асосида.
Изоҳ (0)